Alumnos da Escola Municipal de Música Magariños de Brión ofrecen un concerto de piano e guitarra

A Escola Municipal de Música Magariños de Brión inicia este venres 14 de febreiro a iniciativa “Venres musicais”, na que alumnos e alumnas de piano e de guitarra ofrecerán dous concertos gratuítos. A primeira cita é este venres, ás 20:30 horas, na sala municipal de exposicións do Concello de Brión. A entrada é libre e de balde.

Os “Venres musicais” son unha iniciativa organizada pola ESMU Magariños, en colaboración co Concello de Brión, a Deputación Provincial da Coruña e a Consellería de Cultura, Educación e Ordenación Universitaria. A próxima cita dos “Venres musicais” terá lugar o venres 18 de marzo, á mesma hora e no mesmo lugar.