Actuación da Banda Municipal de Música da Coruña

A Concellaría de Cultura informa de que mañá, sábado 8 de febreiro, o auditorio da Ágora acollerá, a partir das 12.00 horas, a actuación da Banda Municipal de Música e do grupo de teatro Fantoches Baj, que presenta ‘As Pombas de Carboeiro’. Trátase dun espectáculo de narración oral, con música en directo interpretada pola Banda Municipal de Música da Coruña e coa técnica xaponesa do Kamishibai. As entradas son a 3 euros para o público en xeral (2 euros para nenos e mozos de até 14 anos).