A procura de información na operación “Patos” esténdese ao Concello de Pontevedra

Axentes da Policía Nacional vestidos de paisano desprazáronse ao redor das 13.00 horas ao Concello de Pontevedra para solicitar información, dentro da operación ‘Patos’, que dirixe o Xulgado de instrución número 7 de Vigo.

No caso do Concello de Pontevedra, os axentes tamén están a entrar en despachos e buscan expedientes de contratación coas empresas Cespa e construtora Eiriña.

Cespa é a adxudicataria en Pontevedra do servizo de limpeza, un contrato que asinou nos seus últimos días como alcalde Juan Luís Pedrosa, do PP. Na actualidade, co goberno de alianza entre o BNG e o PSdeG, o contrato está prorrogado.