A investigación sinala a implicación de Espadas e Bernardino Rama para que Vendex lograse a ORA en Santiago

A investigación sinala a implicación do que foi asesor do alcalde Gerardo Conde Roa, Ángel Espadas, e o concelleiro socialista Bernardino Rama no proceso de adxudicación da ORA en Santiago de Compostela, que finalmente levou Setex Aparki, empresa que tivo a mesma orixe societario que a investigada.

   A concesión e adxudicación da ORA en Santiago era, para o Grupo Vendex, unha cuestión “fundamental”, ata o punto de que os responsables desta armazón empresarial acordan empregar “o mesmo mecanismo” que se utilizara na Coruña, segundo recolle unha das partes do sumario da Operación Pokémon.

   De feito, chegouse a implicar persoalmente o responsable nacional, Gervasio Rolando Rodríguez Acosta do grupo investigado, que, segundo as conversacións intervidas, “obtivo información” sobre as ofertas presentadas”.

   Unha das persoas de máxima confianza de membros do Vendex é a identificada como ‘o pequeñito’, que se corresponde co que era o responsable de Aquagest en Santiago, José Luis M., e que, á súa vez, é o enlace con Ángel Espadas no Concello.

   Segundo despréndese do sumario, que instrúe a xuíza Pilar de Lara, “persoas do Concello de Santiago para conseguir o favor do Grupo Investigado”, como son a “compra de accións” do equipo de baloncesto da cidade, o pagamento de facturas a Endesa e a “petición de contratación” de traballadores. Así mesmo, en varias partes do sumario fálase de envíos de diñeiro dende Madrid cara a Galicia e da entrega e/ou compra de regalos.

   A participación de Bernardino Rama vincúlase á súa condición da mesa de contratación. O edil socialista, ademais, chega a telefonar dende un móbil ao responsable rexional da empresa en Galicia e dálle as “grazas” por un suposto regalo e deséxalle “felices festas”, posto que é decembro. Aproveita para comentarlle que o luns seguinte se vai levar a adxudicación da ORA, e explícalle que lle di este asunto para que “vaia preparando a batería”, en referencia a un posible recurso, xa que o levaba outra empresa.

“VAI PODER MONTAR UN BAR”

   Por outro lado, a investigación apunta que Ángel Espadas recibiu na súa casa un paquete procedente do Grupo Vendex co que, en palabras da súa muller, ía poder montar un bar”. O paquete contén un “importante número de botellas” e, segundo as conversacións, non é a primeira vez que enviaban un regalo.

   Os investigadores presumen que o envío está relacionado, por un lado, co cargo que ostenta no Concello, e por outro, cos “importantes intereses contractuais” que tiña nese momento a empresa no Concello, especialmente, para conseguir a ORA en Santiago.

RECOLLÍA A ESPADAS NA CASA

   Ademais, as relacións con José Luis M. son estreitas e prolónganse no tempo. Así, no mes de abril, o exasesor municipal fíxolle, en palabras do que era responsable de Aquagest, “un gran favor, porque “meteu” a súa exmuller no Rexistro da Propiedade.

   Por outro lado, noutra conversación o que era responsable da empresa de xestión de augas comenta que “todos os días ás 8 e 15 da mañá está a recoller ao xefe de gabinete”, por Espadas, “e levalo ao concello e polas noites vólveo levar”. Di que o fai “pola renovación” do contrato.

   Por outra banda, no sumario recóllense anulacións de sancións ou taxas polo coche mal estacionado, na que están implicados o delegado rexional de Vendex, José María T., o responsable de Aquagest, José Luis M., quen “demostra o seu poder” sobre o concello de Santiago”. Tamén están implicados o xa exconcelleiro Albino Vázquez e o que foi asesor de Gerardo Conde Roa, Ángel Espadas.

   No sumario recóllese que é “habitual” no Grupo Vendex a contratación de persoas afíns ao órgano oficial contratante e solicitados ao adxudicatario, tratándose dunha “contraprestación de aos favores” recibidos, que podería cualificarse “de suborno impropio e presunto delito de tráfico de influencias”, segundo un auto da xuíza, incluído no sumario.