A Fundación CEO asina un convenio de colaboración co Club Ourense Baloncesto

Acto da sinatura de colaboración

A Fundación CEO, no seu afán de difundir espíritos relacionados co ámbito empresarial, recoñeceu esta mañá o labor do COB e a súa vertente máis empresarial. Facendo fincapé ademais en que as actividades deportivas e o día a día empresarial comparten moitas similitudes que poden unificarse para levar a cabo proxectos futuros.

O COB, equipo de referencia na provincia, aplaudiu este convenio que levará a promoción, difusión e captación de novos socios para o club ourensán. Xullo Vázquez Ruiz insistiu en que o desexo do Club Ourense Baloncesto nestes momentos é conseguir que “a cidade senta o club como parte de ela”.

Finalmente, tras ofrecer José Manuel Díaz o apoio e servizos da Confederación para todas aquelas iniciativas que desenvolva o COB; os dous representantes destas entidades anunciaron que proximamente, con motivo da conmemoración dos 35 anos do equipo, levarán a cabo actos de gran interese para os afeccionados ao deporte.