A Directora Xeral de Comercio impartirá un relatorio sobre o futuro do comercio durante a IV Feira de Oportunidades da Estrada

Con motivo da celebración da 4ª Feira de Oportunidades do Comercio, a Directora Xeral de Comercio, Sol María Vázquez Abeal, impartirá o próximo día sete de marzo, ao cinco da tarde, un  relatorio sobre “O Comercio : Regulación e  Novos Retos”.

A Directora Xeral de Comercio,  exporá aos presentes, as diferentes liñas de actuación do comercio, así como, unhas reflexións sobre o futuro recente e as novas tendencias do sector comercial.

Esta xornada técnica, está aberta a todo tipo de público e especialmente indicada para o sector comercial tanto local como demais integantes dos distintos  centros comerciais abertos de toda a Comunidade Autónoma de Galicia.

Os asistentes, recibirán un diploma acreditativo de asistencia e as prazas están limitadas , polo que, todas as persoas interesadas, deberán formalizar a súa inscrición ben na ficha específica que se colgará na páxina web da institución www.feiradomoble.com ou ben chamando ao teléfono 986-573406.

Nun mercado globalizado como o actual, o sector empresarial debe de coñecer de primeira man o marco lexislativo e os novos retos aos que se enfronta para poder competir cos seus similares, en igualdade de oportunidades. A formación e información son alicerces básicos para afrontar o despegamento comercial con solvencia e eficacia.