A delegada da Xunta en Vigo pide que os manifestantes “reivindiquen o que queiran ” pero “que non causen danos”

A delegada da Xunta en Vigo, María José Bravo Bosch, chama aos manifestantes a que “reivindiquen o que queiran pero que non causen danos”, e denunciou que os incidentes deste mércores na manifestación contra a LOMCE produciron danos materiais e “atentaron contra as forzas de seguridade”

Así o sinalou en declaracións aos medios tras a manifestación estudantil en defensa da educación pública que percorreu na mañá deste mércores as rúas da cidade de Vigo e que finalizou con disturbios protagonizados por varias decenas de mozas, coa detención dunha persoa e con cinco policías feridos.

Bravo Bosch incidiu en que a Xunta apoia “todo o dereito a manifestarse” pero denunciou que “nas últimas ocasións a violencia foi incrementándose”. De feito, algúns asistentes encapuchados han lanzado obxectos contra a sede autonómica –pedras, ovos, botellas, cascallos e petardos–, que feriron a cinco policías e causaron danos “considerables” no edificio, asegurou.

“Puideron causar moito dano nas persoas e nas cousas, e é hora de que os mozos teñan claro que teñen todo o dereito do mundo a reivindicar o que sexa necesario pero que teñen que gardar as normas de corrección”, finalizou.