A Casilla do Puntal de Neda acolle a charla “Prevención e mellora da seguridade dos nosos maiores”

Persoal formador da Garda Civil impartirá o próximo luns, 17 de febreiro, a charla “Prevención e mellora da seguridade dos nosos maiores”. Con entrada libre, celebraráse na Casilla do Puntal, a partires das seis da tarde. Forma parte do programa “Maior Seguridade”, que poñen en marcha conxuntamente o Concello de Neda, a través da Concellería de Sanidade, Servizos Sociais e Terceira Idade, e a Garda Civil.

O obxectivo é facilitar información aos maiores dos ricos que constitúen unha maior ameaza para a súa seguridade e as medidas de prevención dos mesmos. Trataránse temas como o maltrato das persoas maiores no seu ámbito familiar, residencias…; medidas de prevención de roubos nos seus domicilios; para a prevención de tiróns, furtos e roubos no entorno das entidades financieras, ou accións de prevención de estafas e do uso fraudulento das súas pro-piedades, fondos, cartos e cartillas de aforro por parte de terceiras persoas. Ao mesmo tem-po, trátase de fomentar a confianza das persoas maiores nas Forzas e Corpos de Seguridade e desenvolver conductas proactivas para a denuncia das situacións e delictos dos que poden ser vítimas.