A calidade do comercio local nos Mercados de Monforte a prezos de oportunidade

O Espazo Central do Praza de Abastos volverá abrir as súas portas esta fin de semana, días 15 e 16 de febreiro, para acoller un mercado dedicado ás oportunidades do comercio local.

Será o primeiro Mercado das Oportunidades organizado polo Concello a través de Mercados de Monforte, e o comezo do que serán os mercados para comerciantes locais que se celebrarán cada mes. Este Mercado, no que participarán doce comercios locais de variada índole, porá á venda produtos de calidade a prezos moi competitivos, co 50 %  e o 70 % de rebaixa sobre o seu custo orixinal.

A promoción do comercio local é un dos obxectivos que se marca Mercados de Monforte para esta nova tempada.

Os comercios que participarán nesta primeira experiencia son:

Zapaterias:

Cempés: calzado e moda infantil

Zapatería Isabel: calzado de home e muller

Kukín: calzado infantil

Moda:

Mercería Ourensá: moda infantil e  lencería

Doble M: moda xuvenil

Menchu: moda muller

En Lá: moda de muller e nena

Colorín Colorado: moda infantil

Outlet Bambu: moda muller

Mercería Carmen: moda infantil, lencería e manualidades

Varios:

Josela Martinez: complementos divertidos

Delux: decoración (pinturas, papeis pintados, e cousas para manualidades)

Outlet Mundo Fogar: roupa de fogar

O Mercado das Oportunidades permanecerá aberto o sábado día 15 dende as 10:00 ata as 14:00 h. e de 17:00 a 20:00 h., mentres que o domingo día 16 estará aberto soamente pola mañá, de 10:00 a 14:00 h.

No mes de febreiro, ademais do mercado desta fin de semana e do que tivo lugar o pasado sábado e domingo, celebrarase os días 22 e 23 un Mercado de Voda e Comuñón organizado polo CCU.