A banda Sensacional actuará este venres en Carballo e en Vigo o día 28

Compoñentes da banda Sensacional

A banda Sensacional actuará este venres 14 na Sala A Reserva de Carballo (A Coruña) e o venres 28 en La Fábrica de Chocolate en Vigo, despois de colgar o cartel de ‘entradas esgotadas’ no seu debut na Coruña.

Sensacional é un grupo de pop-rock indie formado por Ricardo Saavedra (voz e guitarra), Ramón Alonso (guitarra e coros), Alejandro González (hammond, rhodes e sintes), Nacho BassFuzz (baixo) e Alberto Dopico (batería).

‘O que te perdes’, a primeira das cancións do seu álbum, destaca polo seu predominio de guitarras roqueras, e encaixa como crónica vingativa dun desengano amoroso. A canción resulta unha ponte entre o mellor dos Brincos e os retrousos do indie-pop pegadizo estatal, segundo os seus promotores.

Séguelle ‘Que mereza a pena’, onde tamén predominan as historias interpersoais marcadas polos temas estrela deste século, tales como o desencanto e a incomunicación (”dime algo novo que pague a pena”, di o retrouso). Retrousos como unha das mellores bazas de Sensacional, concisos e pegadizos, como tamén os de ‘Control’, acaso a máis confesional, ou o de ‘Non valo ver’, onde melódica e rítmicamente guiñan o ollo ao power-pop británico dos 80.

O grupo formouse en A Coruña no inverno de 2013. Tras o seu paso como guitarrista en diversas bandas como Meu, Ricardo (voz e guitarra), decidiu comezar outra etapa e dar forma a novos temas sobre os que leva algún tempo traballando, ocupándose tamén da voz neste proxecto.

Para levalo a cabo contactó con Ramón Alonso (guitarra e coros), con quen xa compartira escenario en varias ocasións; e decidiron completar o grupo con Alberto Dopico (batería), compañeiro de Ricardo noutras bandas, Alejandro González (hammond, Rhodes e sintes) e Nacho BassFuzz (baixo).