Vilagarcía promocionarase en Fitur no marco da oferta conxunta da comarca

Vilagarcía volverá a estar presente un ano máis na Feira Internacional de Turismo (Fitur) que se celebra do 22 ao 26 de xaneiro en Madrid. Farao de forma conxunta, co resto dos municipios da comarca co obxecto de ofrecer aos tourperadores unha oferta diferenciada, ampla, variada e complementaria que fomente a zona como destino turístico atractivo para diferentes colectivos.

O Concello de Vilagarcía promocionarase no marco das accións deseñadas polo Padroado de Turismo Rías Baixas que este ano centra a atención dos profesionais do turismo nos recursos históricos e arquitectónicos que diferencian a nosa zona doutras destinos, por iso a proposta le por título “En los albores de la historia: castros y pazos”, aspectos dos que Vilagarcía pode sacar rendemento turístico grazas aos numerosos pazos que existen no municipio como o de Sobrán, Vista Alegre ou Rubiáns, ao Castro de Alobre ou aos petroglifos de Bamio; e que poden complementarse coa ruta das camelias, visitas a Cortegada, territorio do Parque Nacional Illas Atlánticas, festas gastronómicas e demais recursos da zona.

Para apoiar a promoción desta oferta, o alcalde, Tomás Fole, desprazarase o venres a Madrid para participar xunto cos demais alcaldes da zona, na presentación da oferta de Turismo Rías Baixas.