Uns 70 padeeiros participan na pobra de descenso que se disputará na localidade portuguesa de Covas

Setenta padeeiros participarán este sábado e domingo na primeira proba da tempada de descenso que se disputará na localidade portuguesa de Covas. Á cita tamén acudirán os deportistas de Portugal e será puntuable para Liga Galega. O Club Darke kaiak e o Deportivo Miño Teixugos forman parte da organización desta proba internacional.

A proba, na que competirán as categorías de infantís, cadetes, júnior, sénior e veteranos, iniciarase cos adestramentos o sábado desde o dez da mañá. O domingo, desde o nove, disputaranse as finais para as modalidades de kaiak e canoa.

A outra cita do piragüismo galego será en Cabanas. Será o escenario dunha regata de carácter amigable. Os padeeiros das categorías cadetes, xuvenís, sénior e veteranos percorrerán cinco mil metros. Os infantís terán un percorrido de 3.000 metros e os alevíns e benjamines de 1.500 metros.

A tempada do piragüismo galego terá numerosas actividades o próximo mes de febreiro. Disputarase, entre outras probas, o Campionato Galego de inverno en Verducido sobre a distancia de cinco mil metros.