Sigüeiro acolle un curso formativo para converterse en xuíz oficial de Triatlón

O Concello de Oroso colabora coa Federación Galega de Triatlón na organización dun curso oficial de Nivel II de triatlón, dirixido a todos aqueles que desexen iniciarse na arbitraxe deste deporte en Galicia. O curso terá lugar en Sigüeiro o sábado 16 de febreiro.

Os interesados en participar deben dirixirse á Federación Galega de Triatlón antes do 11 de febreiro de 2013 a través do mail fegatri@hotmail.com ou do teléfono 982 251 345. O custe do curso é de 15 euros e inclúe tamén unha parte práctica, que se fará de acordo á normativa da Federación Española de Tríatlon.