Proceso de selección para contratar un traballador/a da biblioteca do Carballiño

Nestes días procederase a finalizar o proceso de selección para o traballador ou traballadora da biblioteca municipal, mentres non finalice este procedemento a biblioteca abrirá só en horario de mañá, para atender ao público. Desde a área de Cultura piden desculpas aos usuarios e confían que o horario se restableza o máis pronto posible.

Noutra orde de cousas sinalar que xa se reparou o sistema de calefacción no citado edificio municipal da Biblioteca, resolvendo así un dos maiores problemas que estas instalacións presentaban, e pola que se recibiron varias queixas por parte dos que habitualmente acoden a ela.