Pais e Nais das Escolas Infantís de Narón reciben formación en primeiros auxilios pediátricos

A Escola Infantil Municipal (EIM) de A Gándara acolleu os días 21 e 22 de xaneiro dúas xornadas de formación sobre “Primeiros auxilios pediátricos” dirixidas a pais e nais das tres EIM de Narón (A Solaina, Piñeiros e A Gándara).

Estas xornadas estiveron organizadas por Emerxencias Narón en colaboración coa Agrupación de Voluntarios de Protección Civil, e deron continuidade á formación do  persoal das tres EIM que tivo lugar en novembro de 2013. Encargáronse de impartilas un médico, 2 enfermeiras e un técnico  sanitario, todos eles con ampla experiencia nas intervencións sanitarias en emerxencias.

Nas xornadas de “Primeiros auxilios pediátricos” abordáronse os principios da autoprotección e dotouse ós participantes de coñecementos básicos para actuar en caso de accidente (atragantamento, hemorraxia, etc..). A duración total destas dúas xornadas foi de 6 horas.