O servizo de recollida de residuos da Coruña retira 437 toneladas das xornadas de Fin de Ano e Ano Novo

O Concello da Coruña, a través da Concellaría de Medio Ambiente, informa de que o servizo de recollida de residuos sólidos urbanos retirou das rúas coruñesas un total de 437 toneladas tras a celebración de Fin de Ano e Ano Novo, o que supón un descenso de 106 toneladas con respecto ás mesmas datas do ano pasado.

En concreto, retiráronse 344 toneladas de inorgánico (un 102% máis respecto da recollida habitual), 83 de orgánico (un 107% máis respecto da recollida habitual) e 10 de papel/cartón (un 12% menos respecto da recollida habitual). Aos 25 camións que habitualmente realizan as 26 rutas de recollida, sumáronse 11. En canto á limpeza viaria, ademais das 10 varredoras e as 3 baldeadoras habituais, tamén se reforzou cos seguintes medios mecánicos: 3 varredoras, 1 baldeadora e 2 aljibes. En total, 105 operarios participaron no servizo de limpeza viaria.

Estes datos confirman a tendencia detectada no último ano, no que se rexistrou un descenso progresivo do lixo xerado polos coruñeses e coruñesas. En concreto, os cidadáns produciron 275,58 toneladas ao día menos que en 2012, o que supón un descenso anual do 3,2%.

Servizo especial de Reyes

O Concello tamén realizará un servizo especial os días 5, 6 e 7 de xaneiro con motivo da próxima festividade de Reyes. Desta forma, o 5 de xaneiro pola tarde, día da Cabalgata, disporase de 2 varredoras e 6 operarios para repasar o percorrido en canto finalicen os actos.

A área de Medio Ambiente lembra que até o próximo 7 de xaneiro mantense o reforzo do servizo porta a porta de papel e cartón nas rúas comerciais da cidade.