O Santiago Futsal retoma os adestramentos despois do parón polo Europeo

O Santiago Futsal volveu esta mañá aos adestramentos tras gozar dunha semana de descanso aproveitando o parón pola disputa do Europeo de Anveres. A selección de José Venancio López, que xa se atopa na cidade belga, debutará o mércores 29 ante Croacia, coa presenza do porteiro do conxunto santiagués Juanjo, que xunto co resto de convocados, esperan revalidar o título de campións coa Selección Española.

Mentres, os de Santi Valladares terán por diante un par de semanas de adestramentos antes de retomar a competición ligueira, o próximo 14 de febreiro no Multiusos ante Montesinos Jumilla. Neste tempo, ademais de adestramentos para a súa posta a punto para afrontar o tramo final da tempada, o Santiago Futsal xogará os cuartos de final da Copa Xunta ante SD Pazos de Borbén o próximo 7 de Febreiro, aínda que esta semana disputará un amigable en Alba de Tormes ante Don Ulpiano Albense.

Este amigable ante Don Ulpiano Albense será o xoves día 30 ás 21h no Pavillón Municipal de Alba de Tormes e servirá de homenaxe ás vítimas do accidente ferroviario de Santiago e será ademais o reencontro do xogador do Santiago Futsal Chus, co seu equipo de toda a vida até a pasada tempada.

Plan de traballo da semana

Luns 27 de Xaneiro:
9,30h – Multiusos Fontes do Sar – Forza submáxima + Potencia Aeróbica

17h – Multiusos Fontes do Sar – Táctico

Martes 28 de Xaneiro:
17h – Multiusos Fontes do Sar – Táctico

Mércores 29 de Xaneiro:
9,30h – Multiusos Fontes do Sar – Forza submáxima + Potencia Aeróbica + Porteiros

17h  – Multiusos Fontes do Sar – Táctico

Xoves 30 de Xaneiro:

21h – PM Alba de Tormes – Don Ulpiano Albense vs Santiago Futsal (Amigable)

Venres 31 de Xaneiro:

17h – Multiusos Fontes do Sar – Táctico

Sábado 1 de Febreiro:

9,30h – Multiusos Fontes do Sar – Forza Submáxima + Resistencia Mixta + Porteiros

Domingo 2 de Febreiro:

Descanso