O Plan RUA actuará en 11.000 metros cadrados no barrio das Xubias

O Concello da Coruña informa de que desde hoxe venres, 31 de xaneiro, e até o vindeiro luns 3 de febreiro, o Plan RUA realizará unha actuación integral no barrio das Xubias, tras o seu paso este mes pola Urbanización Breogán, Urbanización Obradoiro, lugar de Feáns, Mesoiro e Novo Mesoiro. Así, durante os próximos días esta iniciativa chegará á contorna  da urbanización Costa Mar, o Campus de Oza e os lugares das Xubias e As Xubias de Abaixo, o que supón unha superficie de 11.200 metros cadrados.

Realizaranse distintas actuacións como limpeza e aseo de calzadas, rúas e prazas, colectores e rede de sumidoiros; mantemento de zonas verdes; ou reparación de distintas incidencias. Participarán un total de 30 servizos municipais para conseguir espazos máis limpos, sustentables e ordenados coa colaboración dos veciños.

Baldeo de beirarrúas, calzadas e prazas.
Roza de maleza en cunetas e limpeza das mesmas.
Limpeza e reparación de 30 colectores.
Reposición de 2 colectores.
Limpeza e reparación de 12 papeleiras.
Limpeza duns 800 metros lineais da rede de rede de sumidoiros da zona. Limpeza e mantemento duns 40 pozos da rede de rede de sumidoiros e de 60 sumidoiros.
Colocación de 88 cebos (desratización) en 38 arquetas de rede de sumidoiros.
Mantemento de zonas verdes.
Mantemento de 2 marquesiñas.
Mantemento de bocas de incendio.
Inspección de vehículos abandonados.
Presenza do punto limpo

O Plan RUA permanecerá neste barrio até o próximo 3 de febreiro para continuar os traballos, nesta primeira fase do Plan RUA 2014, nos barrios de Agra do Orzán (zona próxima ao Ventorrillo), Monte Alto (La Torre – Orillamar), Elviña 2ª fase e Barrio das Flores.