O goberno de Ortigueira adquire o terreo para emprazar a futura depuradora de Tiroteo

O goberno de Rafael Girón pretende dentro da presente lexislatura ampliar o saneamento do rural.  Con este obxectivo, acaba de pechar a compra dun terreo na zona do Tiroteo, destinado a emprazar a futura estación depuradora de augas residuais do lugar.

Con esta iniciativa, o concello dá un novo paso para avanzar, unha vez que se dispoña do financiamento preciso, o necesario proxecto de depuración integral desta zona, pertencente á parroquia de Ladrido. A adquisición supuxo un pequeno investimento de 2.500 euros.

A compra inclúese dentro do catálogo de medidas previstas polo goberno local para estender o saneamento nas distintas parroquias, un proceso crave na mellora da calidade de vida da poboación de rural.

Cabe lembrar que, á marxe do proxecto de saneamento de Senra e Cuiña, realizado con apoio da Xunta cun investimento que superou o millón de euros, nos últimos meses rehabilitouse a EDAR compacta de Ladrido e, con fondos do POS 2013, adxudicouse a posta a piques da depuradora de San Claudio.