O departamento de obras de Ferrol actuou en 30 tramos de rúas no Ensanche A

A Concellería de Servizos do Concello de Ferrol, que dirixe Borja Carro Muñoz, informou hoxe sobre as actuacións de mantemento de viarios e beirarrúas acometidas do 6 ao 17 de xaneiro no barrio do Ensanche A. Estas tarefas levadas a cabo polos operarios de Misturas S.A –empresa adxudicataria do servizo- forman parte das intervencións semanais realizadas nos distintos barrios da cidade e permiten cubrir as peticións veciñais.

Os traballos acometidos polos operarios da empresa adxudicataria da prestación municipal no Ensanche A se centraron na reparación de beirarrúas nun total de 30 treitos das seguintes calzadas: rúa Aviador Piñeiro (3 tramos); rúa Pintor Bello Piñeiro (16 tramos); rúa Río Miño (2 tramos); rúa Chousiñas (1 tramo); rúa Enxeñeiro Sánchez Bort (1 tramo); rúa Fontaiña (4 tramos); e rúa San Salvador (3 tramos).