O Concello de Narón mantén aberto o prazo de solicitude para participar no programa de Termalismo Social do IMSERSO

A Concellería de Promoción Social de Narón, dirixida pola edil Teresa Sabio, mantén aberto o prazo de presentación de solicitudes para o programa de Termalismo Social do IMSERSO 2014.

A presentación de solicitudes se realizará no Rexistro Xeral do Concello, ata o día 16 de maio de 2014 (para a súa inclusión na orde que corresponda, en lista de espera de prazas) para as quendas de febreiro a agosto.

Nas quendas de setembro a decembro, mantense aberto o prazo no Rexistro ata o 16 de maio de 2014 para ter prioridade na adxudicación de praza. E para a súa inclusión na lista de espera para cubrir vacantes, o prazo mantense  ata o 30 de outubro de 2014.