O centro comercial Dolce Vita da Coruña pechará as súas portas o 31 de xaneiro

O centro comercial Dolce Vita da Coruña pechará as súas portas ao público o próximo 31 de xaneiro, segundo confirmou a Europa Press un portavoz da xestora do centro comercial.

Estas mesmas fontes non precisaron as causas do peche, aínda que o centro comercial, situado no polígono industrial da Grela e que abriu ao público no ano 2008, viuse afectado pola crise e a marcha dalgunhas das marcas situadas no mesmo, entre elas tendas de Inditex.

Agora, pechará de forma definitiva as súas portas o próximo 31 de xaneiro, despois de que as distintas propostas para conseguir manter a actividade, entre elas convertelo en lugar de lecer nocturno, fracasasen.

Na actualidade, apenas unha decena dos locais que ofertaba o centro estaban ocupados polo que, finalmente, acordouse o peche para finais deste mes.