O Ceip da Lama acomete a reforma integral dos vestiarios e as duchas

O Concello da Lama está a realizar unha obra de reforma integral dos vestiarios e as duchas do Ceip da Lama. Esta obra lévase a cabo ao 50% entre o Concello e a Consellería de Educación, xa que esta última aporta os materiais e o Concello a man de obra.

As obras tamén contemplan a creación dunha ducha adaptada a minusválidos, realizando as adaptacións precisas para eliminar as barreiras arquitectónicas. Tanto o alcalde como a comunidade educativa están satisfeitos coa iniciativa, que ambos consideraban precisa.