O Azkar arrinca o 2014 recibindo ao Peñíscola

O inicio do ano 2014 deparou en liga un enfrontamento dos chamados directos para o Azkar Lugo. Pese a tratarse dun recentemente ascendido á categoría, o Peñíscola Bodegas Dunviro axustouse á perfección á categoría. Ese é o rival dos lucenses para mañá venres (21:00 horas – Palacio Municipal dos Deportes de Lugo) dentro do partido da 19ª xornada de liga en 1ª división.

A Lugo chega un conxunto o valenciano que avantaxa en dous puntos aos lucenses, 15 teñen os de Ricardo Íñiguez por 13 os de Diego Ríos. É polo tanto un partido ideal para os galegos primeiro para adiantar aos do Baix Maestrat na clasificación, iniciar así con vitoria o novo ano e ademais ter gañado o golaveraxe, xa que na primeira volta ambos equipos empataran (2-2) no partido celebrado en Benicarló.

Para este encontro os lucenses non poderán contar con Aranburu por sanción mentres que o Peñíscola chega a Lugo coa baixa de Diego Blanco por lesión.

Histórico de enfrontamentos en 1ª división en Lugo:
Nunca antes enfrontáronse.