O Auditorio Municipal de Cangas acollerá a representación de “As do peixe”

O Auditorio Municipal de Cangas acolle a representación da obra “As do peixe” o venres, 17 e sábado, 18 (ás 21:00 horas) e domingo, 19 de xaneiro  (20:00 horas).

UN ESPECTÁCULO QUE HONRA A MEMORIA DAS MULLERES DA CONSERVA

Catro mulleres, ex-traballadoras dunha desaparecida fábrica de conservas, acoden a un “taller da memoria” e, ao tempo que reconstrúen parte da súa experiencia laboral, rememoran pasaxes da súa vida persoal e familiar, comentan aspectos da actualidade e expresan as súas ilusións ou desconfianzas no futuro.

Escrito por Cándido Pazó (tomando como punto de partida entrevistas a extraballadoras realizadas polas actrices, baixo a dirección de Cristina Domínguez da Pena), o texto é unha sucesión de cadros onde se mistura realismo e ficción teatral, emoción e artificio, coa combinación de drama e humor que caracteriza os seus textos máis coñecidos (A piragua, Binomio de Newton, García, E ti que vés sendo?) para establecer unha comunicación amena e emotiva co público.

Autor: Candido Pazó

Dirección: Cristina Dominguez da Pena

Elenco: Casilda Alfaro, Mónica Camaño, Susana Dans e Rocío González

VENDA DE ENTRADAS:

Anticipada: Reserva de entradas chamando o teléfono: 605 263 755.

O mesmo día: Despacho de billetes do Auditorio (2 horas antes do comezo da función).

PREZOS:

Anticipada: 8€. (DESCONTO DE 2€).

O mesmo día da función: 10€.