Noventa deportistas participarán nas xornadas de tecnificación infantil de Taekwondo en Ourense, A Coruña, Barbanza e Pontevedra

Noventa deportistas participarán esta fin de semana nas xornadas de tecnificación infantil que se celebrarán en Ourense, A Coruña, Barbanza e Pontevedra.

Este proxecto comezou a finais do 2013 con Estefanía Hernández como responsable das provincias da Coruña e Lugo e José Antonio Carregal de Ourense e Pontevedra. Os obxectivos destas xornadas son a formación e participación activa de deportistas e adestradores/as, ademais de facilitar un seguimento dos que amosan aptitudes axeitadas para a competición.

Nestas xornadas poden participar nenos e nenas con licenza na FGT nacidos/as entre o 2000 e 2003. E pouco a pouco vai crecendo o número de deportistas: Así, por exemplo, en Barbanza chegáronse a xuntar 60 nenos/as e na zona de Lugo a cantidade vai en aumento en cada convocatoria (pasou de 15 na primeira a 27 na última).