Loito oficial no Concello de Cervo

Decreto de loito da alcaldía de Cervo

“En virtude das facultades que me confire a lexislación vixente, e tendo en conta o terrible suceso acontecido no noso municipio no que faleceron María José Suárez López e María Adela López Ramos, como consecuencia de violencia de xénero, veciñas moi vinculadas no noso concello e persoas moi queridas e coñecidas por todos os veciños, esta Alcaldía acorda:

Primeiro.- Decretar tres días de loito entre as 19.00 h. do martes 14 de xaneiro ata as 19.00 h. do venres 17 de xaneiro, como homenaxe ás falecidas, durante cuxo tempo a bandeira municipal permanecerá a media asta e con crespón negro.

Segundo.- Suspender os actos públicos oficiais, organizados polo Concello de Cervo, a través de calquera das súas delegacións, servizos ou departamentos.

Terceiro.- Transmitir formal e persoalmente as condolencias a familiares e amigos así como participar nos actos do funeral.

Cuarto.- Testemuñar as condolencias mediante un anuncio público en medio de comunicación e entregar coroa floral como recoñecemento do gran pesar que aflixe aos veciños doo concello ante tan tráxico suceso.”