Grandioso triunfo do balonmán de España fronte á República Checa

Encontro de España coa República Checa

España deu hoxe o primeiro paso cara ao Europeo Xuvenil Masculino. A selección española logrou un espectacular triunfo fronte á República Checa que, a priori, perfilábase como o equipo máis duro do tres cos que se enfronta no Clasificatorio. Pero España, cun gran traballo defensivo, non deu opcións aos checos, que se mostraron impotentes para frear ese vendaval (33-19).

España afrontaba o choque convencido das súas posibilidades e enseguida abriu distancias no marcador. Os homes de Alberto Suárez, cunha espectacular defensa e correndo ao contraataque, romperon aos checos (5-2, min. 7) e o seu seleccionador viuse obligador a pedir tempo morto ao cinco minutos. Pero nada puido facer. O conxunto español, liderado por un rapidísimo e habilidoso Jaime Fernández, seguiu firme no traballo defensivo e provocando as perdas dos checos. Así, 9-3 para España no minuto 15.

Os checos, moito máis estáticos, tentaban recortan distancias a arreones, con lanzamentos de lonxe de Biciste, e lograron achegarse a catro goles (10-6, min. 19). Pero España seguiu ao seu, sen nervios, sabendo que si defendían ben ían saír rápidos ao contragolpe e aí, eran moi superiores. Así, volveron escaparse no marcador con moita facilidade (15-7), que os checos suavizan nos últimos minutos antes do descanso (15-10, min. 30).

Na continuación, o equipo checo logrou achegarse aos hispanos, grazas a un cambio no seu defensa (5-1) e unha moi boa actuación do seu porteiro, e púxose a só tres goles (15-12). O técnico Alberto Suárez non esperou máis e pediu tempo morto para axustar ao seu equipo ante a variante táctica dos checos, e a reacción foi inmediata.

España logrou un parcial de 8-2 e a República Checa baixou os brazos (23- 14, min. 44). De aquí ao final, un absoluto paseo para os rojillos, que con todo non baixaron nadiña de nada a intensidade defensiva. O seleccionador deu minutos a todos, que querían demostrar que teñen un oco no equipo, e en ningún momento apreciouse un descenso no rendemento do conxunto español, a pesar de que chegan dun maratón de partidos (Campionato de España).

Mañá o conxunto hispano enfrontarase a Ucraína (18:30), que é o outro equipo gañador da primeira xornada. Con anterioridade, xogarán R.Checa e Lituania (16:30 horas).

España, 33: Antonio Bazán (4), Agustín Casado (6), Vicente de Diego, Daniel Dujshebaev, David Fernández (5), Jaime Fernández (7), Aleix Gómez (1), Víctor Gutiérrez (1), Xoan Ledo, José María Márquez, Borja Méndez, Juan Muñoz da Pena (1), Kauldi Odriozola (3), José Oliver (3), Román Pedreira (1), Rubén Río (1).

República Checa, 19: Biciste (5), Brezina, Dolejsi, Doricak, Herajt, Hlava, Hrdlicka, Kasparek (1), Klaus (1), Kyvala (2), Mubenzem, Psenica, Safranek (2), Stohanzl (1), Tonar (4) e Zeman (3).

Árbitros: Lars Jorum e Kim-Rune Stenhaugmo (Noruega).Excluíron 2 minutos a Borja Méndez (por España) e a Klaus (en dúas ocasións), Tonar e Dolejsi.

Incidencias: Segundo partido da primeira xornada da fase clasificatoria para o Europeo Xuvenil Masculino. Lalín Area. Moi boa entrada nas bancadas, ao redor dun milleiro de afeccionados que gozaron co xogo da selección española e a presenza de varios xogadores galegos no equipo.