Ferrol nomeará dous espazos no barrio de Canido

A Comisión Informativa de Cultura, Educación, Deportes e Turismo, que preside Manuel-Reyes García Hurtado, ditaminou favorablemente esta mañá o nomeamento de dous espazos no barrio de Canido.

Así, a zona axardinada situada entre a rúa Alegre e rúa Doutor Sixto Seco será designada como “Xardín da Feira”. E ademais,, o espazo que ocupaba o antigo depósito de auga, que se atopa situado entre a rúa Alegre e a rúa Navegantes levará o nome de “Praza da Auga”. O Goberno Municipal de Ferrol atende así á petición formulada pola Asociación de Veciños de Canido. A proposta ditaminada hoxe en comisión informativa de Cultura será aprobada definitivamente no pleno ordinario de fin de mes.