Ferido grave un septuaxenario tras sufrir un atropelo en Ponte Caldelas

Un home duns 73 anos de idade resultou ferido grave ao ser atropelado por un camión na mañá deste xoves no termo municipal de Ponte Caldelas (Pontevedra).

O atropelo tivo lugar uns minutos pasadas as 9.00 horas na Avenida de Pontevedra, situada no centro da localidade de Ponte Caldelas, segundo os datos facilitados polo 112.

O servizo de emerxencias indicou que o atropelado resultou ferido “de consideración” tras ser arroiado por un camión no centro urbano da localidade.

O 061 desprazou ao lugar, segundo sinalaron fontes sanitarias, un médico de Atención Primaria e unha ambulancia medicalizada que levou á persoa ferida, o home A.M.L., de 73 anos, ao Hospital Domínguez, en Pontevedra.