Dous veciños de Vilanova de Arousa son detidos pola Garda Civil por un delito de tráfico de drogas

A Garda Civil detivo a D.P.F., de 30 anos de idade  e á súa compañeira sentimental N.D.M., de 26 anos, ambos os veciños de Vilanova de Arousa, como supostos autores dun delito contra a saúde pública, tráfico de drogas.

Sobre as 23:30  horas do día de onte unha patrulla fiscal da Garda Civil de Vilagarcía de Arousa, cando realizaban un control de identificación de vehículos na rotonda renza (acceso á VG-4.3), procederon a dar o alto ao vehículo marca FIAT, modelo PUNTO,  no que viaxaban os dous detidos.

Unha vez identificado e nun superficial cacheo atópase media “landra” de haxix no peto do pantalón de D.P.F., polo que se opta por realizar un rexistro ao citado vehículo.

Este rexistro deu como resultado a localización, no maleteiro do turismo e debaixo da roda de reposto, sete envoltorios que unha vez abertos comprobouse que contiñan haxix, arroxando un peso total de 4208’8 gramos.

Por todo iso procédese á detención dos dous ocupantes e á incautación da mercadoría que xunto ao vehículo foron conducidos ás dependencias do Posto da Garda Civil de Vilagarcía, onde se instruíron as correspondentes dilixencias.

Os detidos foron  postos a disposición do Xulgado de Instrución número DOUS dos de Vilagarcía, quen decretou o ingreso en prisión de D.P.F., quedando en liberdade con cargos a súa compañeira sentimental.