Chega a Fitur “Portas de Galicia, un destino para os teus sentidos”

O Plan de Competitividade Turística Puertas de Galicia participará, desde o mércores e ata o 26 de xaneiro, na Feria Internacional de Turismo (FITUR) co obxecto de presentar a iniciativa “Portas de Galicia, un destino para os teus sentidos”, que une todas e cada unha das posibilidades turísticas das comarcas de Verín e Conso-Frieiras.

Coa intención de ser un referente para disfrutar de diversas experiencias, que poñan en alerta os cinco sentidos, o PCT Puertas de Galicia presentará os sabores da gastronomía, os sons do río e das chocas, o viño e os viñedos, as rutas do Centro BTT e rutas temáticas, ademais da beleza visual dos paisaxes de alta montaña, encoros, fervenzas e vales. Por este motivo, entre as cuestións que se presentarán durante esta feira atópanse o proxecto ‘Catro Estacións Gastronómicas en Portas de Galicia’  (destinada a potenciar a oferta enogastronómica das comarcas de Verín e Conso-Frieiras como atractivo turísticos da zona ao longo de todo o ano), as novas rutas de sendeirismo e o Centro BTT Puertas de Galicia (situado na fronteira entre Galicia, Portugal e Castela-León, e conta cun total de 244 quilómetros, divididos en doce rutas sinalizadas, nove circulares e tres de conexión), ademais dos recursos vitivinícolas da Denominación de Orixe Monterrei ou as actividades que se desenvolverán durante o Entroido nos municipios integrantes deste plan turístico, e no ritos e personaxes ancestrais -cigarróns, peliqueiros, máscaras, boteiros, vellarróns, zarramanculleiros, mecos, galos ou pelotos-, serán os  indiscutibles protagonistas das próximas datas festivas nas comarcas de Verín e Conso-Frieiras.

Por outra banda, na xornada do mércores, ás 17.30 horas, o presidente do PCT Puertas de Galicia e tamén alcalde de Verín, Juan Manuel Jiménez Morán, presentará a iniciativa “Portas de Galicia, un destino para os teus sentidos” no stand de Galicia de FITUR (Recinto Feiral Juan Carlos I, pavillón 9, parcelas 9CO5/9CO7). Ademais, esta feira permitirá amosar aos/ás visitantes  toda a información necesaria para que podan visitar o destino Verín-Viana, a través do reparto da Guía do Territorio Puertas de Galicia, un mapa das comarcas de Monterrei e Conso-Frieiras (co patrimonio cultural e artístico ademais de referencias de restauración das dúas zonas), ou dípticos do recén inaugurado Centro BTT Puertas de Galicia; así como  establecer contactos con axencias e revistas especializadas no ámbito do turismo, xa que se FITUR trátase do maior certame turístico internacional para a comercialización dos espazos de interior, natureza ou deporte, entre outras.

O Plan de Competitividade Puertas de Galicia está promovido por Turespaña, Secretaría Xeral para o Turismo da Xunta de Galicia e doce municipios (Castrelo do Val, Cualedro, Laza, Monterrei, Oímbra, Riós, Verín, Vilardevós, A Gudiña, A Mezquita, Viana do Bolo e Vilariño de Conso), integrados na Asociación de Municipios para o Plan de Competitividade Turística das comarcas de Monterrei e Conso-Frieiras, e a Asociación de Empresarios de Turismo e Hostalería Puertas de Galicia. Entre os obxectivos deste plan están a busca de especialización tanto no destino como no produto, deseñar unha oferta capaz de introducir a experiencia turística como elemento motivador da viaxe, así como a busca da mellora da competitividade das PEMES e MPEMES turísticas para lograr a sostenibilidade do territorio.