Carral apoia de novo ao Liceo en Riazor

Coa inestimable colaboración do HC Coinasa Liceo que, do mesmo xeito que noutras moitas ocasións, achega as entradas para o encontro, 20 afeccionados carraleses poderán acudir este sábado ás 18.00 h ao encontro da Ok Liga de hockey patíns que enfrontará ao HC. COINASA LICEO co CLUB PATÍ VIC de Barcelona no Palacio dos Deportes de Riazor.

As prazas están destinadas a afeccionados de todas as idades que seguro asistirán a un apaixonante encontro entre o 2º e o 4º clasificado da Ok Liga. Os verdibrancos veñen de realizar un extraordinario partido fronte ao Vendrell, mentres que os cataláns acaban de perder na casa do Barcelona.  A vitoria axudaría aos coruñeses a afianzar a 2ª posición no campionato e á vez tentar recortar as distancias co líder.

O prazo de inscrición termina o sábado 1 ás 13.00 h, podendo formalizarse no tfno. 981672580, no mail deportes@concellocarral.com ou na propia Casa da Cultura.