Bases para participar no desfile de comparsas da XVII edición “Venres de Foliada” de Tomiño

O Concello de Tomiño organizador do desfile de comparsas “Venres de Foliada” do ano 2014, abrirá o prazo de inscrición das comparsas dende o día 3 de febreiro ata o día 21 de febreiro, ambos os dous inclusive.

Para ampliar información contactar no 986 62 20 01 (Cultura) ou na dirección  cultu.deporte@gmail.com.

Para a inscrición deberán cubrir o impreso que se facilitará no Concello e presentalo na oficina do Rexistro Municipal.

A documentación requirida para a inscrición é a seguinte:

> Impreso de solicitude

> Certificado de titularidade da conta do representante ou da comparsa.

– O desfile terá lugar o venres 28 de febreiro ás 21:30 h. En caso de choiva realizarase o venres 7 de marzo a mesma hora.

– As comparsas deberán estar formadas por un mínimo de 15 compoñentes.

– O número máximo de comparsas inscritas será de 20.

– As carrozas participantes no desfile non poderán exceder das seguintes dimensións, sen contar a cabeza do tractor: Longo: 8,00 m. ancho: 3,50 m. alto: 4,50 m.

– Non serán admitidas as comparsas con cabalos.

– O número de orde das comparsas no desfile será por rigoroso orde de chegada ao lugar de saída (RÚA AO LADO DO COLEXIO PEDRO CASELLES).

– A compensación económica para as comparsas participantes será a seguinte:

*Comparsas de 15 a 30 compoñentes e sen carroza: 100,00 €

*Comparsas de 31 a 45 compoñentes e sen carroza: 150,00 €

*Comparsas de 46 ou máis compoñentes e sen carroza: 250,00 €

*Comparsas de 15 a 40 compoñentes e con carroza: 200,00 €

*Comparsas de 41 a 60 compoñentes e con carroza: 300,00 €

*Comparsas de 61 a  80 compoñentes e con carroza: 400,00 €

*Comparsas de 81ou máis compoñentes e con carroza: 500,00 €

O pago das compensacións económicas realizarase mediante transferencia bancaria, previa presentación da factura correspondente no Departamento de Intervención do Concello de Tomiño (presentando certificación, se é o caso, da
exención do IVE). Nos demais casos, as compensacións económicas estarán
suxeitas as retencións que correspondan pola normativa fiscal.

O prazo de presentación da factura será de 1 mes dende a celebración da festa.

A participación implica a aceptación das presentes bases e está aberta a todas as asociación veciñais, culturais, xuvenís, grupos, colexios, etc.

As cuestións de dúbida, interpretación ou imprevisto que xurdan no desenvolvemento deste desfile serán resoltas pola Concellería de Cultura.