Anfaco-Cecopesca preside en Porto a asemblea xeral da industria atunera europea

Mañá, día 21 de Xaneiro do 2014, D. Juan M. Vieites, Secretario Xeral de ANFACO-CECOPESCA e Presidente de EUROTHON, presidirá a Asemblea Xeral de EUROTHON que terá lugar no Porto (Portugal).

EUROTHON é a organización europea que agrupa a toda a industria atunera comunitaria a nivel tanto de flota como de transformación, sendo o seu traballo fundamental para representar á industria da UE ante as institucións comunitarias e os organismos multilaterais que regulan o comercio dos produtos do atún. Durante a reunión abordásense cuestións de gran relevancia para a industria atunera da UE, como a análise da situación das diferentes negociacións comerciais da UE con terceiros países.

No ámbito tanto das negociacións bilaterais e rexionais da UE con terceiros países como das negociacións da OMC, EUROTHON vén defendendo activamente a necesidade de que a UE teña en conta un aspecto tan capital como é o asegurarse de que ditas negociacións non supoñan a concesión de beneficios comerciais a terceiros países que poñan en risco o mantemento do emprego que xera o sector atunero comunitario na propia UE, así como o que na actual conxuntura económica non cabe que se prioricen as políticas de desenvolvemento en detrimento do principio de preferencia comunitaria.

Neste sentido, EUROTHON vén alertando á Comisión Europea do grave perigo que pode supor para a industria atunera comunitaria a concesión a Tailandia dun acceso preferente ao mercado da UE no marco das negociacións comerciais que Tailandia e a UE están a levar a cabo para a firma dun Acordo Comercial Bilateral, aspecto que podería ter efectos moi negativos sobre as elevadas cifras de emprego que mantén esta industria en diferentes zonas da UE especialmente dependentes da pesca.

Outro aspecto que se analizará por parte de EUROTHON é o prexuízo que pode supor para a industria atunera da UE o posible acceso de Filipinas ao Sistema de Preferencias Xeneralizadas (SPG+), dado que iso permitiríalle comercializar as súas conservas de atún no mercado europeo sen a necesidade de satisfacer arancel algún.