Alberto Díaz imponse na Regata Internacional Río Negro en Arxentina

Alberto Díaz

Alberto Díaz, piragüista do Kaiak Tudense, impúxose na Regata Internacional Río Negro que se disputou en Arxentina cun percorrido total de 265 quilómetros. O segundo na clasificación foi Fabián Orellana, que xa a gañou en anteriores ocasións, e o terceiro Roberto Bustos.

O tudense tivo que remar durante quince horas, veintitres minutos e vinte segundos. A competición constaba de seis etapas e dous días de descanso entre elas. O percorrido foi desde Neuquen até Viedma.

Alberto Díaz gañou impúxose no cinco primeiras xornadas, o que lle permitiu dispor dunha ampla vantaxe sobre os seus rivais na última xornada. O tudense non quixo arriscar e desa forma levou o triunfo na clasificación xeral.

O compoñente do Kaiak Tudense declarou que “foi duro e esixente, pola dureza da proba, pola calor e por tantos días de competición. Pero mereceu a pena”. Esta non foi a primeira vez que acudía a cita.

Para o próximo ano, a Regata Internacional Río Negro cumprirá cincuenta anos. Os organizadores desvelaron que será unha edición especial e que estudan seriamente a posibilidade de convidar a máis padeeiros galegos.