A xestión económica do Concello de Marín comeza a dar froitos

A xestión que se esta levando a cabo na área económica do concello vai dando os seus froitos e vai cumprindo os prazos dentro dos pagos que se fan das facturas das distintas subministracións.

É evidente que o traballo de contabilizar ao día, saber o diñeiro existente e o que se pode gastar, facer unha planificación para todo o ano do gasto en previsión cos ingresos que se preveen realizar ao longo do ano e sobre todo pór ao día as facturas de atrás.

Este ano 2014 afróntase de maneira distinta aos anos anteriores e conseguiuse dar canle ás facturas presentadas ao longo do ano 2013 quedando practicamente todo o gasto corrente axustado ás partidas que verdadeiramente existían no documento orzamentario, que aínda que fose tarde, foi aprobado polo Pleno da Corporación cos votos do equipo de goberno, e por tanto todas practicamente as facturas correspondentes ao exercicio 2013 quedaron contabilizadas e pagas.

Esta é a maneira de ir ordenando as cousas, de pagar nun tempo relativamente curto aos provedores, estamos a falar que se pagaron as últimas facturas de decembro e en consecuencia é unha boa maneira de empezar o ano económico.

Ter un arqueo ao día, contabilizadas as facturas ao día e pagar aos provedores é a mellor maneira de axudar ás empresas que lle fornecen ao concello, de gañar credibilidade ante as empresas e de poder ter unha imaxe real do concello.

Os pequenos flocos que poidan aínda derivarse dalgunha situación anterior son xa practicamente mínimas e en consecuencia este ano 2014 non haberá que asumir, salvo no tema de URBASER e do pago da auga a Pontevedra máis gastos que os ordinarios.

En canto finalícense estes traballos, elevarase canto antes a aprobación a liquidación do exercicio 2013 e servirá de base para os avances nos que xa se esta traballando para o novo Orzamento Municipal 2014.

O investir esta situación foi a base de esforzo, de horas e de dedicación do Concelleiro de Urbanismo e Facenda manuel Santos, que deu á súa área unha seriedade e unha solidez que antes non tiña.

Os investimentos e os gastos acométense de maneira ordenada, sempre tendo en conta que as canles administrativas son os que son e para iso a planificación no curto e no longo prazo son fundamentais para poder levar a cabo os obxectivos que nos marcamos para este ano.

O que ao final sempre reclamamos, orde nas contas e ter claro cando se encargan as cousas que se van a poder pagar e a obrigación legal é nun tempo óptimo de 30 días, é a aspiración que temos e para a que se traballou de xeito conxunto co Departamento de Intervención que fixo un esforzo moi importante e o de Tesouraría para ir organizando os pagos.