A unidade móbil da inspección técnica de ciclomotores visita A Laracha

A unidade móbil para a realización das inspeccións técnicas periódicas de ciclomotores -de dúas rodas e máis de tres anos de antigüidade-, motos e quads –de máis de catro anos de antigüidade estará no Concello da Laracha o martes da próxima semana, día 21 de xaneiro.

O lugar no que se instalará será a rúa Manuel Murguía da capital municipal, concretamente na explanada xunto ao IES Agra de Leborís e a biblioteca.

O horario de atención ao público é de 9.00 a 13.30 horas.

A seguinte visita desta mesma unidade móbil ao Concello da Laracha xa foi programada para o día 24 de febreiro.

As persoas interesadas poden reservar cita previa para calquera das dúas datas por internet accedendo á web www.sycitv.com ou chamando ao teléfono 902 309 000.