A Federación Galega de Piragüismo organiza unha proba amistosa de 8.000 metros no río Lérez

O río Lérez, en Pontevedra, será o escenario este sábado, a partir das 11.30 horas, dunha proba de carácter amigable de oito mil metros organizada pola Federación Galega de Piragüismo. A competición está destinada ás categorías de cadetes, xuvenís, sénior e veteranos sobre a distancia de 8.000 metros.

Ao once e media da mañá darase a saída á primeira categoría. Serán os sénior e veteranos homes na modalidade de kaiak. Dous minutos despois iniciarán o seu percorrido os padeeiros das categorías júnior e cadete.

A partir das doce e media disputaranse o resto de categorías. Os primeiros serán os canoistas sénior, xuvenil e cadete. A continuación as mulleres na modalidade de kaiak. A última proba será para as canoistas, que deberán afrontar un percorrido de catro quilómetros.

Para esta proba, de carácter amigable, está prevista a presenza dun gran número de equipos e deportistas. Unha gran participación xa se rexistrou nas probas disputadas nos primeiros días do mes de xaneiro.