Enviar a un amigo
Opinar
ImprimirA cervexería Manhattan de Monforte reparte entre 12 e 15 millóns do primeiro premio do Neno
A cervexería ‘Manhattan’, na localidade de Monforte de Lemos (Lugo) foi un dos establecementos que vendeu o primeiro premio do sorteo da lotaría do Neno, concretamente o número 76254 que tocou integramente no municipio.
O dono deste establecemento, Luís Maceda, calculou en declaracións a Europa Press que neste local puideron vender preto de 15 millóns de euros “todo a décimos”.
Maceda non ocultou a súa alegría e destacou que se atopa “en estado de éxtase”, dado que tamén lles tocou “algo” a eles e non só aos seus clientes.
“Todo o mundo vén darme abrazos, o teléfono non para de soar”, destacou o dono do ‘Manhattan’, reiterando a súa “enorme alegría” por poder repartir parte deste premio.
O número 76254 foi agraciado co ‘Gordo’ do Sorteo Extraordinario do Neno, dotado con dous millóns de euros por serie, que foi vendido na administración número 3 de Monforte de Lemos (Lugo).
