A Cañiza entrega 1.500 euros en vales aos gañadores do sorteo da campaña “Mercar na Cañiza ten premio”

O Alcalde da Cañiza, Miguel Domínguez, entregou o venres, 3 de xaneiro,  no Salón de Plenos do Concello os premios aos portadores dos números agraciados no sorteo celebrado o pasado 27 de decembro dentro da campaña “Mercar na Cañiza ten premio”, campaña posta en marcha a primeiros de ano. Trátase dun programa que pretende dinamizar e incentivar o pequeno e mediano comercio da vila e consiste en sortear entre os clientes dos comercios do municipio, que fagan compras por un importe superior a 10 €, 15 vales de compra por valor de 100 €uros cada un  para empregar novamente nestes establecementos adheridos á campaña e que se  desenvolveu ata finais de ano.