A Asociación Clara Campoamor di que as testemuñas sitúan ao terceiro imputado en Madrid

A Asociación Clara Campoamor, que exerce a acción popular, valorou “moi positivamente” as declaracións de testemuñas que tiveron lugar este mércores no marco da investigación pola morte da nena Asunta Basterra Porto, xa que, segundo dixo o letrado Ricardo Pérez Lama, “sitúan nun restaurante de Madrid pola tarde noite” ao home cuxo perfil xenético foi atopado na roupa da menor.

Con todo, o avogado de Rosario Porto, José Luís Gutiérrez Aranguren, cuestionou esta interpretación e asegurou que el segue “sen ver nada” e que o que hai “seme e un desmentido de contaminación”.

“Eu fíome máis de probas científicas que de manifestacións de parte”, declarou aos medios ás portas do xulgado de Santiago o encargado da defensa da nai de Asunta, en referencia ás palabras de “familiares do imputado” –na causa xunto aos pais da menor–.

Por outra banda, o letrado de Porto asegurou que este mércores se decatou” de que está “a ter controis” das súas visitas ao seu cliente na prisión. En todo caso, matizou que descoñece si están “a ser gravadas”, pero incidiu en que este mércores soubo “nun momento da declaración”, porque se lle escapou a alguén”, “que se sabe” das súas visitas ao cárcere “e da duración”.