3.000 consumidores e 40 locais de Santiago, Vigo e A Coruña gozaron da campaña promocional “Ribeiro de copas”

A pasada fin de semana finalizou a promoción RIBEIRO DE COPAS en A Coruña cun elevado nivel de participación de consumidores nos 12 establecementos seleccionados nos que sumilleres profesionais de Gallaecia explicaron tódolos viños aos consumidores e entregaron premios directos, ao longo das dúas semanas de vixencia.

Esta acción promocional do Consello Regulador da D.O. Ribeiro completa o ciclo de accións realizadas en 2013 co obxectivo de achegar as bodegas e os seus viños ao consumidor final, a promoción RIBEIRO DE COPAS realizouse en Santiago, Vigo e A Coruña.

Este proxecto promocional do C.R.D.O Ribeiro xera uns resultados moi satisfactorios xa que 40 locais de hostalaría de referencia nas tres cidades, se sumaron ao proxecto, máis de tres mil consumidores participaron nos sorteos de viaxes de enoturismo e agasallos da promoción e finalmente foron máis de 45 días os que os 15 sumilleres explicaron a cada cliente dos establecementos, as características de cada viño do Ribeiro consumido das 50 marcas presentadas das 38 adegas participantes.

O éxito destas accións e a súa alta repercusión, achega os afamados viños da D.O. Ribeiro incrementando a cultura do viño e coñecementos destes prestixiosos vinos entre locais e consumidores finais.

Dentro dos proxectos promocionais do C.R.D.O. para 2014, inclúese implantar RIBEIRO DE COPAS en Ourense, Pontevedra, Lugo e Ferrol, completando así o TOUR do RIBEIRO nas principais cidades de Galicia.