Unha coñecida marca de supermercados edita un calendario para 2014 con carteis históricos do Festival Ortigueira

Carteis históricos do Festival Internacional do Mundo Celta protagonizan o calendario 2014 que Gadis acaba de editar en colaboración co Concello de Ortigueira. O supermercado ortegano da firma, patrocinadora desde hai anos do evento musical, reparte entre a súa clientela o calendario que ademais, distribúese gratuitamente en as  distintas instalacións municipais de Ortigueira.

A iniciativa promocional servirá para publicitar as datas en que se celebrará o próximo ano certame folk (17 ao 20 de xullo) e permitirá ademais lembrar doce dos carteis utilizados nas campañas de promoción exterior da cita folk, declarada Festa de Interese Turístico Internacional e que, no ano 2014, alcanzará a súa trixésima edición.

Desde o Concello infórmase de que todas as persoas que queiran facerse cun destes enormes calendarios que o teñen á súa disposición en calquera das instalacións municipais da Vila (consistorio, centro social, biblioteca, piscina…) e, por suposto, no renovado supermercado que Gadis reabría hai apenas unha semana no núcleo urbano de Ortigueira.