Un traballador do Polígo 2000 de Lalín resulta ferido ao caer dunha altura duns dous metros

Un traballador resultou ferido nun accidente laboral rexistrado na mañá deste luns tras precipitarse dunha altura duns dous metros dunha escaleira no municipio de Lalín (Pontevedra).

O accidente laboral sucedeu sobre as 8.25 horas nunha nave do Polígono 2000 ao caer o traballador dunha escaleira duns dous metros, segundo os datos facilitados polo 112 a Europa Press.

Foron mobilizados o GES de Lalín, Policía Local e o 061, que desprazou unha ambulancia asistencial, outra medicalizada e un médico para atender o ferido.

Finalmente, o varón ferido, J.J.P.V., de 29 anos, foi levado en ambulancia medicalizada o Complexo Hospitalario Universitario de Santiago (CHUS), segundo indicaron fontes sanitarias.