Tres persoas resultaron feridas ao soltarse un guindastre dun camión en Oleiros

Tres persoas, dúas mulleres e un menor, resultaron feridas tras ser atropeladas por un guindastre que se soltou dun camión na tarde noite do mércores no lugar de Dexo no termo municipal de Oleiros (A Coruña).

O accidente tivo lugar sobre as 19.30 horas no lugar de Dexo, en Oleiros, ao ser atropeladas tres persoas por un guinastre que se soltou dun camión, segundo os datos facilitados polo 112.

Foron mobilizados a Guardia Civil de Tráfico, Policía Local, Protección Civil e o 061, que desprazou ao lugar unha ambulancia medicalizada e outras asistencial.

Segundo sinalaron a Europa Press fontes sanitarias, o menor ferido foi levado ao Hospital Materno e as dúas mulleres, de 34 e 35 anos de idade, ao Hospital A Coruña.