Soldariedade masiva na campaña de recollida de alimentos a favor de Cáritas

”Cedeira, unha auténtica lección de solidariedade”. Así define a Confraría da Virxe do Mar de Santa Ana o resultado da campaña de recollida de productos alimenticios que levou a cabo o pasado sábado nos supermercados e máis no pequeno comercio local. A resposta da veciñanza superou todas as expectativas, incrementándose de forma notable as cantidades de productos respecto a iniciativas anteriores. É por isto que a entidade quere agradecer á xente de Cedeira a súa extraordinaria solidariedade nestes momentos de crise, así como aos voluntarios que permitiron facer realidade a campaña. A partir dagora, os productos pasarán a mans de Cáritas, que procederá a realizar as entregas entre as familias con escasos recursos do municipio.