Santiago acolle o festival “Curtocirtuíto” onde se proxectarán 60 curtos

O festival internacional de curtametraxes ‘Curtocircuito’ proxectará –entre o 9 e 13 de decembro– en Santiago de Compostela, 15 curtos galegos de entre unha selección de ao redor de 60 curtametraxes, entre o Teatro Principal e a Zona C, con actividades no Centro Galego de Arte Contemporánea.

   Na décima edición do certame, unha das “seccións destacadas é a galega”, segundo informa Compostela Capital Cultural. O luns, 9 de decembro, proxectaranse unha selección de seis traballos galegos que “mostran a heteroxeneidade e a calidade” do cinema de Galicia que “se vale por si solo para competir a nivel internacional”, remarca o Concello de Santiago.

   Ademais, tamén se planificou para o luns unha sesión heteroxénea de curtos españois e un repaso aos mellores filmes que pasaron por Curtocircuito e Play-Doc nos seus dez anos. Esta sesión retrospectiva é gratuíta, con logo de retirada de billetes en Teatro Principal.

   As entradas para o resto de proxeccións custan dous euros e tamén se pode adquirir un bono de 5 entradas por 6 euros, co que se inclúe un catálogo do certame.

   Durante estes días, o festival acollerá as propostas galegas de Andrés Rosende, con ‘Mr Bear’, ata animacións como Sangue de Unicornio’, de Alberto Vázquez, que buscan poñer o protagonista en situacións incómodas.

   Tamén se poderá gozar de propostas que reflexionan sobre cuestións como a adaptación a un contexto foráneo, a madureza ou a búqueda de identidade no caso de ‘Curta nº 3’, de Xoán Escudero, como a morte dun xeito poético e metafísica no caso de ‘Ás vacacións do verdugo’ de Sonia Albert Sobrino e Miriam Albert Sobrino. O resto de pezas galegas englóbanse entre as seccións Explora e Retrospectiva: Galicia en Curto.