Os rapaces que queiran ir nas carrozas dos Reis Magos deben inscribirse no Auditorio de Vilagarcía

A Concellería de Cultura pon a disposición dos nenos e nenas do municipio a posibilidade de acompañar aos Reis Magos na Cabalgata do día 5 de xaneiro subidos nas seis carrozas que desfilarán polas rúas da cidade. Os interesados en formar parte da comitiva real deben anotarse a partir do martes 17 de decembro no Auditorio. Ofértanse 60 prazas e os únicos requisitos a cumprir son ter cumpridos os 8 anos e acudir vestidos con traxe de mouro ou paxe.

Con este sistema a Concellería de Cultura facilita a participación individualizada dos nenos e nenas na Cabalgata de Reis, posto que así poderán ir nela independentemente de que o faga ou no o seu colexio mediante a Anpa ou outros colectivos. A diferencia destes últimos, que participarán na Cabalgata desfilando a pé e co vestiario que se lles facilita as Anpas, os nenos e nenas que se apunten no Auditorio irán distribuídos nas seis carrozas (as tres dos Rei e a que cada un deles leva cargada de agasallos) e o disfrace correrá pola súa propia conta.

As inscrición realizaranse en horario de 8:30 a 14:30 horas e ata completar as 60 prazas dispoñibles.