Os nenos do Conciliatardes de Vilagarcía e os maiores do Centro de Día celebran xuntos o Nadal

Os nenos do programa municipal Conciliatardes e os usuarios do Centro de Día dos Desamparados celebran xuntos o Nadal, seguindo a liña habitual de traballo de ámbolos dous servizos que pretende fomentar a relación entre xeracións tan distantes en idades. A festa celebrarase mañá no Centro de Día de Desamparados, ó que os nenos do Conciliatardes se desprazarán para compartir a alegría do Nadal cos maiores. A festa será entre as 16:00 e as 18:00 horas.

Os cativos que participan no programa de conciliación que ofrece a Concellería de Traballo e Benestar do Concello poderán compartir vivencias e experiencias cos maiores usuarios do Centro de Día do Consorcio. A festa será moi divertida xa que organizarase un sorteo de lotería no que se remedarán aos nenos de San Ildefonso cantando os números premiados. Ademais, maiores e cativos recibirán a visita de Papa Noel e haberá agasallos para todos. Espérase que Papa Noel acuda ao centro entre as 16:45 e as 17:30 horas.